23/02/2015
Drejtori Ekzekutiv i QKSS, Florian Qehaja mori pjesë në Samitin e Shtëpisë së Bardhë në luftën kundër ekstremizmit të dhunshëm që u mbajt më 19 shkurt në Washington D.C, ShBA.
Ky samit mblodhi së bashku mbi tetëdhjetë përfaqësues të qeverive dhe ministra, si dhe përfaqësues nga shoqëria civile, sektori privat, udhëheqës fetar dhe akademike. Samiti u drejtua nga Presidenti Obama i cili deklaroj nevojën për të bashkuar në parandalimin e ekstremizmit dhe ruajtjen e tolerancës fetare në mbarë globin. Samiti u organizua nën kujdesin e Sekretarit Amerikan të Shtetit, John Kerry. Qëllimi i këtij takimi ishte që të strukturoj dhe të koordinojë përpjekjet e vendeve të prekura nga grupet ekstremiste rreth globit.
Në margjinat e Samitit, Florian Qehaja ka pasur takime me përfaqësues të shteteve të ndryshme, shoqërisë civile dhe sektorit privat. Samiti ka qenë një mundësi e madhe për krijimin e rrjeteve dhe ndërveprim me ekspertë dhe udhëheqës nga e gjithë bota. Qëllimi i samitit i përshtatet fushëveprimit të QKSS për të rritur sigurinë dhe ruajtjen e stabilitetit ku lëvizjet e fundit të ekstremistëve në Kosovë dhe rajon janë të dëmshme kundrejt këtyre përpjekjeve.
Përveç Samitit, Florian Qehaja mori pjesë edhe në takime me përfaqësues të Departamentit të Shtetit të ShBA-ve dhe Think Tanks nga Washingtoni. Më 20 shkurt, Florian Qehaja gjithashtu mori pjesë në konferencën e organizuar nga Instituti i Washingtonit për Politikat e Lindjes së Afërme e titulluar "Rehabilitimi dhe Ri-integrimi i luftëtarëve të kthyer nga jashtë". Florian Qehaja gjatë qëndrimit të tij ka takuar përfaqësues të shumtë të Think Tank-eve nga Washingtoni dhe Bota.
